Tuesday, December 28, 2010

ಕರೆಯಲೇ ನಿನ್ನ, ಕರೆಯಲೇ ನಿನ್ನ, ನನ್ನ ಕನಸಿನ ಅರಮನೆಗೆ..

ಕರೆಯಲೇ ನಿನ್ನ, ಕರೆಯಲೇ ನಿನ್ನ, ನನ್ನ ಕನಸಿನ ಅರಮನೆಗೆ
ಸೆಳೆಯಲೇ ನಿನ್ನ, ಸೆಳೆಯಲೇ ನಿನ್ನ, ತೆರೆದ ಮನಸ್ಸಿನ ಸೆರೆಮನೆಗೆ
ನಾನಂತು ಹೋದೆನು ಸೋತು ಇಂತಹ ಸುಂದರ ಬಾವನೆಗೆ
ಎನಂತ ಹೇಳಲಿ ನಿನ್ನ ರೂಪವು ತಾಳಿದ ಕಲ್ಪನೆಗೆ
ಮಾತು ಮಾತಿನಲಿ ಎಲ್ಲವನೀಗ ಹೇಳಿ ತೀರುವೆನು ಈ ಗಳಿಗೆ
ಏನು ಹೇಳಿದರು ಸಾಲದಾಗಿದೆ ಜೀವ ನಿನ್ನದು ಕೊನೆವರೆಗೆ
||ಕರೆಯಲೇ ನಿನ್ನ||
ಪರದೆಯೇ ಇಲ್ಲದ, ಅಭಿನಯವಿಲ್ಲದ, ಹೃದಯದ ವೇದಿಕೆ ನಿನಗಾಗಿದೆ
ಮರೆಯಲು ಬಾರದ, ಮರೆಯಲಿ ಮೂಡಿದ ಒಲವಿನ ಭೂಮಿಕೆ ನಿನಗಾಗಿದೆ
ನಾನಂತು ಮರುಳನು ನಿನ್ನ ನೆರಳನು ಕೂಡ ಮೋಹಿಸುವೆ
ಹಾಗಂತ ಏತಕೆ ನೀನು ದೂರವೆ ನಿಂತು ಸತಾಯಿಸುವೆ
ಏಂತ ಕಾಲದಲು ತಂಪು ನೀಡುವೆ, ನಾನೇ ನಿನ್ನಯ ಬೀಸಣಿಗೆ
ಅಂತರಂಗದ ನಾಯಕಿ ನೀನು, ಬೇಗ ಬಾರೆ ನೀ ಬಳಿಗೆ
||ಕರೆಯಲೇ ನಿನ್ನ||
ಬಿರಿಯುವ ಹೂಗಳ ಸಡಗರವೆಲ್ಲವು ನಿನ್ನಲೇ ಕಾಣುವ ಸಲುವಾಗಿದೆ
ಅರಿಯದ ಬಾವವು, ತಳೆದಿಹ ಮೌನವು ನಿನ್ನನೇ ಕೇಳುವ ಸಲುವಾಗಿದೆ
ನನಗಂತು ಅವಸರವಿಲ್ಲ, ಒಲಿವ ಕ್ಷಣಕೆ ಕಾಯುವೆನು
ಏನೇನು ಬೇಸರವಿಲ್ಲ ನಿನ್ನಯ ಕನಸಲೇ ನೇಯುವೆನು
ನನ್ನ ಸಂಜೆಗಳ ದೀಪವು ನೀನು, ನೀನೆ ನನ್ನ ದೀವಾಳಿಗೆ
ಅಂತರಂಗದ ಗಾಯಕ ನಾನು, ಹಾಡುಬಾರೆ ನೀ ಜೊತೆಗೆ
||ಕರೆಯಲೇ ನಿನ್ನ||

No comments:

Post a Comment